Ministri i Brendshëm i Francës, Gerald Darmanin ka akuzuar Karim Benzemën për lidhje me grupin Vëllazëria Myslimane, e cila në vende si Franca, Shtetet e Bashkuara të Amerikës, Rusia apo Egjipti konsiderohet një organizatë terroriste (por jo në Spanjë).
Darmanin nuk ka qenë shumë i qartë në argumentin e tij kundër lojtarit pasi ai nuk ka ofruar asnjë provë dhe mediat ende po përpiqen të konstatojnë nëse lojtari ka lidhje me terrorizmin.
“Ne kemi mbyllur më shumë se 1100 qendra islamike dhe po i referohem konkretisht zotit Karim Benzema i cili ka lidhje famëkeqe, siç e dimë të gjithë, me Vëllazërinë Myslimane”.
“Ne sulmojmë një organizatë që është Vëllazëria Myslimane që gjeneron një atmosferë xhihadiste”, ka akuzuar rëndë ministri i Brendshëm i Francës, Darmanin, për ish-lojtarin e Real Madridit.
Kush janë Vëllazëria Myslimane me të cilën ministri francez lidh Benzeman?
Vëllazëria Myslimane lindi në vitin 1928 në Egjipt, në Ismailia, në verilindje të Kajros, në brigjet e Kanalit të Suezit. E themeluar nga Sheikh Hassan Al-Banna, organizata reformiste sunite i vuri vetes dy objektiva të sakta: të çlironte vendin nga britanikët dhe të merrte pushtetin në një Egjipt të mbarsur edhe një herë me vlerat e Islamit.
Vëllazëria Myslimane u bë e njohur duke organizuar aktivitete bamirësie dhe sociale që synonin si për shtresat punëtore ashtu edhe për shtresat e mesme. Ky program i dha një vend të privilegjuar fesë, falë një lëvizjeje edukative popullore që synonte të garantonte rigjenerimin e Islamit. Një investim kyç në sytë e Hassan Al-Banna, mësues trajnimi.
Vëllazëria Myslimane është një nga organizatat më të vjetra dhe më të mëdha islamike në botën arabe dhe myslimane, ato kanë një rrjet të gjerë mbështetësish dhe anëtarësh që shtrihen nga Egjipti në vende të tjera. /Telegrafi/