Njihnu me Arne Slot, trajnerin e Feyeneoordit i cili është bërë tani favoriti kryesor për të zëvendësuar Jurgen Kloppin tek Liverpooli.
Gjatë ditëve të tij si lojtar profesionist, 45-vjeçari luajti për klube të ndryshme si FC Zwolle, NAC Breda, Sparta Rotterdam dhe PEC Zwolle.
Pasi u pensionua në 2013, Slot u bë trajner i ekipit të të rinjve në PEC Zwolle, para se të kalonte tek SC Cambuur si zëvendëstrajner.
Slot eventualisht u bë trajner i AZ Alkmaar para ‘shpërthimit’ të pandemisë COVID-19, gjë e cila shkatërroi sezonin e tij të parë në krye të klubit.
Në 2020, Slot u shkarkua nga Alkmaari, pasi u zu duke negociuar kushtet për të kaluar tek ekipi i Feyenoordit.
Nën menaxhimin e Slot, Feyenoordi përfundoi në pozitën e tretë në Eredivisie në sezonin e tij të parë në krye, ndërsa ai i udhëhoqi ata edhe në finale të Ligës së Konferencës, aty ku humbën nga Roma e Jose Moruinhos.
Sezonin e kaluar, Slot e drejtoi Feyenoordin drejt titullit në elitën e futbollit holandez, që ishte njëherësh i pari që nga viti 2017. Slot është lavdëruar për prezencën e tij dhe karizmën, po ashtu edhe për stilin e tij të veçantë të të luajturit futboll.
“Ai është një trajner me të vërtetë i mirë. Unë e kam përcjellur Feyenoordin për 40 vite, dhe që nga koha e Johan Cruyffit tek Ajaxi në vitet e 80-ta, nuk ka pasur ndonjë trajner me mentalitet më ofanziv në ligën e Holandës”.
“Do të thoja se Slot është një trajner i stilit të Guardiolës duke u bazuar në gjithçka që kam parë në vitet e fundit. Tifozët e Feyenoordit shpesh nuk i kanë besuar syve se çfarë po shohin”, ka thënë gazetari holandez Marcel van der Kraan./Telegrafi/