Cristiano Ronaldo nisi “eksodin” e yjeve të futbollit nga Evropa drejt Arabisë Saudite dhe ndikimin e tij e tregon më së miri në një detaj nga ndeshja e djeshme ndaj Benficas.
Edhe pse sauditët kanë investuar shuma të paprecedentë parash për të sjellë yjet më të mëdhenj të futbollit në kampionat, cilësia jo aq e mirë e futbollit dhe Al Nassr po dëshmohet në provat miqësore me klubet evropiane.
Al Nassr i Ronaldos, i cili solli Marcelo Brozovic këtë verë, fillimisht pësoi një debakli nga Celta Vigo (0-5), dhe më pas mbrëmë nga Benfica (1-4).
Megjithatë, duket se Ronaldo është më i madh se klubi dhe futbolli saudit dhe kjo u pa në momentet kur trajneri Luis Castro tentoi ta nxjerrë jashtë.
Castro përgatiti ndryshimin, më pas e thirri Ronaldon për të dal jashtë loje. Mirëpo, portugezi nuk e dëgjoi trajnerin, ndaj vendosi të luajë edhe pesë minuta të tjera.
Ronaldo i tregoi trajnerit të tij pesë minuta, që do të thoshte se do të luante edhe pesë minuta të tjera, gjë që më në fund ndodhi.
https://twitter.com/luxlina_/status/1682135665033760768
Edhe pse mund të mos jetë popullore të shohësh një futbollist që shkon kundër vendimeve të trajnerit, kjo lëvizje e Ronaldos shkaktoi edhe entuziazmin e disa fansave të tij të cilët shprehen se ai ka treguar edhe një herë se sa shumë dëshiron të ketë sukses dhe të konkurrojë, sepse çdo minutë është e rëndësishme për të, qoftë edhe në një ndeshje miqësore. /Telegrafi/