Kryeministri i Kosovës, Albin Kurti ka thënë se gazi i lirë i Rusisë është i kushtueshëm për sigurinë e Evropës dhe jetën e ukrainasve.
Me anë të një shkrimi në Twitter ai është shprehur se Evropa ka nevojë për energji të gjelbër dhe të qëndrueshme.
“Në seancën për energjinë theksova se gazi i lirë i Rusisë është i kushtueshëm për sigurinë e Evropës dhe jetën e ukrainasve. Ne kemi nevojë për të dyja: energji të gjelbër dhe të qëndrueshme, por tranzicioni duhet të jetë i drejtë dhe kostot duhet të ndahen. Nevojitet solidaritet dhe mbështetje financiare”, ka theksuar Kurti.
In energy session I emphasized that Russia's cheap gas is costly for the security of Europe & the lives of 🇺🇦 people. We need both: green & sustainable energy, but the transition must be just & costs must be shared. Solidarity & financial support is needed.#BerlinProcess#WB6 pic.twitter.com/cIm71KVHfn
— Albin Kurti (@albinkurti) November 3, 2022
Kujtojmë se Kosova po përfaqësohet në Samitin e Berlinit nga Kurti. Në këtë samit janë të gjashtë vendet e Ballkanit Perëndimor. /Telegrafi/