Kryeministri i Kosovës, Albin Kurti, ka dhënë të dhëna në shifra rreth integrimit të komunitetit serb në Kosovë.
Kurti, përmes një postimi në platformën “X”, se viti 2024 është vit i integrimit.
Kryeministri me shifra ka treguar se sa qytetarë serbë të komunave veriore janë pajisjes me dokumente të Kosovës.
“2024 është viti i integrimit. Vetëm në pesë muajt e parë, mbi 7 mijë pasaporta RKS, 6.8 mijë letërnjoftime dhe 1.1 mijë patentë shoferi janë lëshuar në komunat ku komuniteti serb përbën shumicën. Shndërrimi i patentë shoferëve ilegale në RKS po vazhdon dhe po shkon shumë mirë. Po ashtu, 159 biznese të reja janë regjistruar në zyrat e sapo hapura të Agjencisë për Regjistrimin e Bizneseve në katër komunat në veri të Kosovës”, ka shkruar Kurti.
2024 is the year of integration.
In just the first five months, over 7k RKS passports, 6.8k IDs, and 1.1k driver’s licenses have been issued in municipalities where the Serb community constitutes a majority. The conversion of illegal driver’s licenses into RKS ones is continuing…
— Albin Kurti (@albinkurti) June 9, 2024
Ai ka thënë se “ky është rezultat i punës konstruktive mes qeverisë dhe qytetarëve tanë, dhe bindjes së përbashkët se një vend i bashkuar është një vend i fortë”. /Telegrafi/