Artileria ukrainase dhe operatorët e dronëve, kanë nisur një mision për shpartallimin e grupeve të ushtrisë ruse që ia kishin mësyrë pozicioneve të tyre.
Pasi ngritën në ajër dhjetëra dronë dhe qindra predha u lëshuan nga artileria ukrainase, autoblinda, tanke u shkatërruan në një fushë të gjelbëruara, transmeton Telegrafi.
E ata ushtarë që i mbijetuan sulmit, menduan se ishte ide e mirë fshehja nëpër rrënojat e ndërtesave të shembura – që në fund doli të jetë gabim i rëndë.
Aty u goditën sërish nga dronët ukrainas që hidhnin granata, e me disa raste përplaseshin në ushtarë si fluturake pa pilot kamikaz.
Ky aksion vjen në dy ditët e fundit kur Rusia ka përjetuar momentet më vdekjeprurëse që nga fillimi i luftës, ku mijëra ushtarë u vranë brenda 24 orëve.
Të dielën u raportuan për 1,270 ushtarë të vrarë rusë, kurse të hënën 1,290 që po konsiderohen si dy ditët me rekordin më të zi të luftës mbi 2-vjeqare. /Telegrafi/
