Site icon Telegrafi

Kthimi i normalitetit në veri, ambasadori amerikan në Beograd: Tani duhet përqendruar tek zgjidhja e qëndrueshme

Ambasadori i SHBA-së në Begorad, Anthony Godfrey, është shprehur i kënaqur me zbatimin e marrëveshjes së arritur në Bruksel për targat.

Godfrey, përmes një postimi në Twitter, ka thënë se tash është koha për t’u fokusuar që të gjendet zgjidhja afatgjatë në mes të Kosovës dhe Serbisë.

“I kënaqur që shoh zbatimin besnik të marrëveshjes së arritur në Bruksel. Liria e lëvizjes dhe tregtia është fondamenti i integrimit ekonomik dhe mirëqenies në rajon”, ka shkruar ai.  Tani ne duhet të fokusohemi tek një zgjidhje e qëndrueshme”, ka shkruar ai, transmeton Telegarfi.

Edhe Ushtruesi i detyrës së ambasadorit të SHBA-së në Kosovë, Nicholas J. Giacobbe ka reaguar pasi marrëveshja mes Kosovës e Serbisë për targat ka filluar të zbatohet.

Giacobbe ka thënë se forcat e KFOR-it në pika kufitare janë aty përkohësisht.

Sipas tij, pritet që për dy javë të kthehet funksionimi i kufirit në normalitet.

Ai ka shtuar se tashmë është koha që të ecet përpara dhe të ketë riangashim të përkushtuar në dialogun mes Kosovës e Serbisë.

Ndryshe, pas 13 ditësh sot janë zhbllokuar rrugët që shpiejnë në vendkalimet kufitare në veri, Jarinë dhe Bërnjak, ku është kthyer qarkullimi i lirë i automjeteve.

Pas heqjes së barrikadave të vendosura nga serbët, pjesëtarët e Njësisë Speciale të Policisë së Kosovës janë kthyer në Prishtinë, duke i lënë në dorë situatën në veri të Kosovës forcave të KFOR-it. /Telegrafi/

Exit mobile version