Këngëtari Blero është shumë i pëlqyer në tregun muzikor shqiptar për këngët e tij.
Ai numëron shumë këngë të suksesshme në karrierë, të cilat me kalimin e viteve janë shndërruar në hit.
Njëra prej tyre është kënga “Kthehu ti”, për të cilën këngëtari ka njoftuar se së shpejti kjo këngë do të vijë në versionin ‘remake’ pas 12 vitesh.
Artistët Alex dhe Nikka nga studio e këngëtarit janë ata që do ta këndojnë, ndërsa Blero ka njoftuar se shumë persona ia kanë kërkuar që ta këndojnë, por ai vendosi t’ua japë artistëve të tij.
“Pas 15 viteve do të kthehet në ‘remake’ kënga ime -Kthehu Ti- kënga më solli suksesin në skenën e muzikës. Shumë i emocionuar, shpresoj që do të ju pëlqejë ky version i punuar nga ProgoMusic Dhe Johan Bejerholm. Interpretim nga Alex dhe Nikka”(sic.), ka shkruar Blero në njoftimin e tij në Instagram.
Ndryshe për Telegrafin, këngëtari pati treguar se në muajt në vazhdim pritet të sjell këngën “La Vida Loca 3” në bashkëpunim me disa femra të njohura.
Ndërsa muaji nëntor, do ta gjejë këngëtarin edhe me një këngë patriotike. /Telegrafi/
