Kryetari i komunës së Deçanit ka paralajmëruar kryeministrin Avdullah Hoti, pasi që ky i fundit dhe qeveria kishin ndalë punimet në rrugë, në afërsi në Manastirit të Deçanit
I pari kësaj komune, Bashkim Ramosaj, në një postim në Facebook ka thënë se kur pezullohen veprime është mirë edhe të ketë zgjidhje, duke iu drejtuar kryeministrit Hoti.
“Kur pezullohen veprime është mirë të jipen zgjidhjet e duhura z. Kryeministër. Më vjen keq që juve po i bartni në këtë kohë problemet e krijuara tash e 20 vite. Boll është boll!” ka shkruar ai.
Madje sipas tij shteti duhet të këtë zgjidhje për këtë problem .
“Shteti duhet t’i zgjidh fatkeqësitë, që i ka krijuar në Deçan. Unë po i zgjidh e jam i gatshëm ti zgjidh duke bërë rrugën. Sot është paralajmërim vetëm”.
Ramosaj ka thënë se ky është një nga paralajmërimet e fundit të tij për këtë temë./Telegrafi/
