Kryeministri rumun, Marcel Ciolacu, së fundmi është pyetur për mundësinë e dërgimit të sistemit Patriot në Ukrainë.
“Në radhë të parë, specialistët duhet të flasin. Këtu bëhet fjalë për specialistë që ulen në tryezë dhe gjejnë zgjidhjet më të mira”, tha Ciolacu.
Pra, kjo do të thotë se çështja nuk do të diskutohet në publik, por në vend të kësaj privatisht me ekspertë ushtarakë, shkruan euronews, përcjell Telegrafi.
“Nëse doni të marr një vendim tani, nuk mundem. Unë nuk jam specialist. Unë jam kryeministri i Rumanisë”, shpjegoi kryeministri rumun.
“Nuk është diskutim, në radhë të parë, që mund të bëhet temë elektorale, sepse do të ishte një katastrofë dhe një qasje jo korrekte ndaj partnerëve tanë të NATO-s. Nuk është një diskutim për t’u bërë publik. E di që është një temë interesante. Do të krijoja një lajm të ri, por mendoj se kemi arritur pjekurinë politike për të shmangur gjëra të tilla në çështje kaq të rëndësishme dhe këtë e shohim jo vetëm për Rumaninë, por për të gjithë Evropën”, shtoi ai.
Si duket tani sistemi mbrojtës i Rumanisë?
Në vitin 2017, Rumania nënshkroi një marrëveshje për të marrë sistemet e mbrojtjes Patriot, por deri më tani ka vetëm një që është funksional.
“Ukraina ka nevojë për 25 Patriot për të mbrojtur vendin nga sulmet ruse”, thotë presidenti ukrainas, Volodymyr Zelenskyy.
Patriotët janë raketë tokë-ajër dhe sistem anti-balistik që konsiderohet si një nga më të sofistikuarit në botë. Aftësia e tyre për të ndaluar raketat e lundrimit dhe balistikat me rreze të shkurtër veprimi përpara se të arrijnë objektivin e synuar, i bën ato kaq të kërkuara. /Telegrafi/