Kritikja amerikane e filmit, Anne Thompson ka shkruar në portalin e famshëm Indiewire disa parashikime të saj për Oscars.
Në kategorinë e filmave të shkurtër ajo ka favorizuar filmin “Shok” nga Kosova. Sipas Thompson, “në kategorinë Short Film Live Action del fitues filmi “Shok”, me regji të Jamie Donoughue”.
Rikujtojmë se kjo është e para herë që një film nga Kosova nominohet për këtë çmim prestigjioz.
Në këtë film luajnë Lum Veseli, Andi Bajgora, Melihate Qena, Aurita Agushi, Eni Cani, Armond Morina, Eshref Durmishi, Sunaj Raça, Luan Kryeziu, Astrit Kabashi, Xhevdet Jashari, Kushtrim Sheremeti, Fisnik Ademi, Besnik Krapi etj.
Ceremonia e ndarjes së çmimeve Oscars mbahet më 28 shkurt.