Pjesëtarë të ekipit të Zyrës për Zhvillim Prokurorial Jashtë Vendit (OPDAT) në ambasadën e SHBA-ve në Tiranë dhe zyrtarët e Prokurorisë së Posaçme (SPAK) vazhduan takimet në Uashington, njoftoi sot ambasada e SHBA-ve.
Kreu i SPAK, Altin Dumani pati takime në Byronë Federale të Hetimit (FBI), në Seksionin e Rikthimit të Aseteve të përftuara nga Pastrimi i Parave në Departamentin e Drejtësisë, si dhe në Departamentin e Thesarit.
Dumani gjithashtu u takua me ndihmëssekretarin e Shtetit për Çështjet Ndërkombëtare të Narkotikëve dhe Zbatimit të Ligjit (INL) Todd D. Robinson, ndihmëssekretarin e Shtetit për Çështjet Evropiane dhe Euroaziatike James O’Brien dhe zëvendësndihmëssekretaren kryesore për Çështjet Europiane dhe Euroaziatike, Yuri Kim.
Grupi do të vazhdojë udhëtimin studimor me takime të tjera në Departamentin e Shtetit të SHBA, Departamentin e Drejtësisë dhe Administratën kundër Narkotikëve (DEA).
Takimet e zyrtarëve të SPAK në SHBA vijnë në një kohë kur prokuroria ka hapur disa nga dosjet me të rëndësishme në Shqipëri duke nisur hetimet per shume zyrtarë të lartë shtetëror. /Telegrafi/