Kryetari i Kuvendit të Kosovës, Glauk Konjufca ka thënë se Kuvendi i Kosovës e dënon zyrtarisht agresionin ushtarak të Rusisë kundër Ukrainës.
“Kuvendi e dënon ashpër agresionin ushtarak të Rusisë kundër Ukrainës, Kuvendi i Kosovës dhe populli i Republikës tonë qëndron përkrahë popullit ukrainas dhe solidarizohemi me ta në këto kohë të vështira”, ka thënë Konjufca.
Ndryshe në orët e para të ditës së sotme (e enjte) kanë filluar bombardimet ruse në tërë territorin e Ukrainës.
Deri më tani raportohet se të paktën shtatë persona kanë humbur jetën. Liderët botërorë kanë reaguar duke dënuar ashpër këtë veprim të Rusisë duke kërkuar që bombardimet të ndalen menjëherë. /Telegrafi/