Është konfirmuar tashmë se dy ndeshjet gjysmëfinale të Coppa Italia, Juventus-Milan dhe Napoli-Inter do të luhen në orën 21:00 me kohën lokale.
Ditëve të ardhshme pritet të rikthehet futbolli italian pas gati tre muajsh pezullim shkaku i krizës së coronavirusit.
Futbolli italian do të rikthehet me dy ndeshjet gjysmëfinale të Kupës së Italisë, Juventus-Milan dhe Napoli-Inter.
Koha e ndeshjeve tashmë është bërë zyrtare nga transmetuesi shtetëror Rai, i cili ka të drejtat për të transmetuar Coppa Italian.
Il grande calcio italiano torna su #Radio1 e @Radio1Sport con la #CoppaItalia 🇮🇹
Tutte le emozioni di #JuventusMilan e #NapoliInter in diretta, minuto per minuto, venerdì 12 e sabato #13giugno alle 21. pic.twitter.com/jP82GbGikq— Rai Radio1 (@Radio1Rai) June 10, 2020
Juve dhe Milan do të luajnë ndeshjen kthyese në Torino të premten dhe Zonja e Vjetër ka një avantazh të lehtë pas barazimit 1-1 në ndeshjen e parë.
Napoli-Inter zhvillohet 24 orë më vonë, ku vendasit kanë epërsi pasi fituan takimin e parë me rezultat 1-0. /Telegrafi/