Komunarët prizrenas e kanë me rëndësi ushqimin, i shpenzuan 112 mijë euro të shtetit
Qeverisja Komunale e Ramadan Mujës, e ka prioritet të ushqyerit mirë. Këtë e tregon edhe raporti i Auditorit, ku gjatë vitit të kaluar kjo Komunë i ka shpenzuar më shumë se 111 mijë e 878 euro në dreka, raporton KTV.
Vetëm për një ditë, sipas raportit, zyrtarët komunalë i kanë harxhuar 400 euro në dreka.
Madje, Komuna e Ramadan Mujës më shumë ka harxhuar në dreka sesa në subvencionimin e të sëmurëve që kanë nevojë për trajtim jashtë vendit.
Këto shpenzime, sipas kryetarit të LDK-së në Prizren, Haxhi Avdyli, e tregojnë papërgjegjësinë e punës së kryetarit Muja.
Ndërkaq, për Vetëvendosjen në Prizren, Qeveria Muja është e pangopur, përcjell koha.net.
Zëdhënësi i Komunës së Prizrenit, Ymer Berisha, ka theksuar se Komuna e vlerëson si korrekt dhe të drejtë raportin e auditorit në pasqyrimin e të gjeturave. Ndërsa, akuzat e opozitës Berisha i quan primitive.
Komuna e Prizrenit gjatë vitit të kaluar i ka shpenzuar 56 mijë e 700 euro për eliminimin e qenve endacakë!
