Cristiano Ronaldo ka qenë kryetemë mediatike këtë fundjavë, pasi u shpall futbollisti i shekullit në ceremoninë Globe Soccer Awards në një eveniment madhështor në Dubai të Emirateve të Bashkuara Arabe.
Në ceremoninë e zhvilluar në objektin ikonik, Burj Khalifa, ai ishte i shoqëruar nga partnerja e tij, Georgina Rodriguez.
Dhe derisa superylli i Juventusit kishte veshur kostum të hirtë, bukuroshja zgjodhi një fustan të kuq të shndritshëm duke arritur të tërheqë vëmendjen e fotoreporterëve.
COUPLE GOALS✨✨✨😍😍😍@Cristiano #CristianoRonaldo #georginarodriguez #crisgina pic.twitter.com/00CNSh2X0c
— Crisgina Fanpage (@crisgina_team) December 27, 2020
Fustani që kishte zgjedhur Georgina ishte i hapur në pjesën e dekoltesë, si dhe kishte një çarje të madhe në pjesën e këmbës.
Ronaldo e ka publikuar një fotografi të përbashkët të çiftit, teksa ai mban trofeun e fituar, me përshkrimin: “Kombinim i përsosur”. /Telegrafi/
