The Economist raporton se Forcat e Armatosura të Ukrainës po përgatisnin operacionin në rajonin e Kurskut në Rusi, në fshehtësi nga aleatët perëndimorë të Ukrainës.
Ky medium iu referua një burimi të afërt me Oleksandr Syrskyi, Komandant i Përgjithshëm i Forcave të Armatosura të Ukrainës, transmeton Telegrafi.
Gjenerali Syrsky i mbajti planet e tij të fshehta, duke i ndarë ato vetëm me një grup të ngushtë gjeneralësh dhe zyrtarësh sigurie. Ai foli me presidentin individualisht, pa stafin e tij. Inteligjenca e ushtrisë bëri pjesën më të madhe të zbulimit.
Një burim i Economist thotë se aleatët e Ukrainës gjithashtu nuk ishin informuar qëllimisht për këto plane, pasi Perëndimi ka ndërprerë dy operacione të mëparshme të Syrskyi – Rusia e mori vesh njërin prej tyre dhe kishte urdhër për të anuluar tjetrin. Kur Perëndimi u informua për operacionin pas faktit, nuk kundërshtoi.
Thuhet se gjatë përgatitjes për operacionin në rajonin e Kurskut, komanda ushtarake e Ukrainës shqyrtoi disa opsione: goditje në rajonin Bryansk, goditje në rajonin e Kurskut, një sulm të kombinuar në dy rajone në të njëjtën kohë, ose një sulm edhe më të madh.
Në artikull thuhet se qëllimi kryesor i operacionit ishte tërheqja e forcave ruse nga Donbasi, dhe krijimi i avantazheve për negociatat e ardhshme.
Vetë ushtarët i thanë Economist se kishin filluar të dyshonin se diçka e madhe po ndodhte në fillim të gushtit, kur papritmas iu dhanë pajisje: helmeta të reja me kufje të integruara dhe pushkë të reja. Ata bënë ushtrime në modele që më vonë u kuptuan se përfaqësonin fshatrat ruse. /Telegrafi/