Miralem Pjanic do të largohet nga Barcelona gjatë ditëve të fundit të afatit kalimtar veror.
Mesfushori boshnjak ka dështuar totalisht të ambientohet me futbollin spanjoll, duke mbetur në bankën rezervë.
Largimi i tij nga Barcelona gjatë afatit kalimtar veror është mëse i sigurt.
Këtë e ka konfirmuar trajneri holandez i Barcelonës, Ronald Koeman në konferencë për shtyp.
Holandezi ka thënë se Pjanic do të largohet këtë verë dhe po pret vetëm ta mësojë skuadrën e tij të re.
“Pjanic është grumbulluar, por do të largohet dhe është në pritje për të mësuar klubin e tij të ardhshëm”.
“Megjithatë gjatë gjithë javës ai është stërvitur shumë mirë dhe do të ishte mungesë respekti nëse nuk do ta grumbulloja për këtë ndeshje”, deklaroi trajneri holandez.
Besohet se skuadra e re e Pjanic do të jetë Juventusi, pasi bardhezinjtë kanë kërkuar prej kohësh rikthimin e tij. /Telegrafi/