Cristiano Ronaldo sërish nxit spekulimet se mund të largohet nga Real Madridi para mbylljes së afatit kalimtar.
Në fillim të verës është spekuluar vazhdimisht se portugezi mund të largohej nga Spanja pas akuzës për mashtrime me tatime, pasi nuk ishte i kënaqur me reagimin e klubit për ta mbrojtur.
Ndërsa për shkak të sjelljeve të tij në takimin kundër Barcelonës në Superkupën e Spanjës, 32-vjeçari u suspendua për pesë ndeshje.
Dhe tash, EL Pais raporton se Cristiano është duke menduar sërish për t’u larguar nga Santiago Bernabeu.
“Tash për tash është i fokusuar vetëm te puna. Ai është i inatosur për suspendimin me pesë ndeshje, ndërkohë që punon si zakonisht me skuadrën, por nuk mund të garantojmë nëse do të qëndrojë apo do të largohet”.
“Do të shohim se çfarë do të ndodhë prej tani e deri më 31 gusht”, ka thënë për El Pais një burim i afërt me Ronaldon. /Telegrafi/