Georginio Wijnaldum është njëri nga futbollistët më të mirë te Liverpooli në repartin e mesfushës.
Mesfushori holandez ka luajtur rol jashtëzakonisht të madh në triumfin e Liverpoolit në Ligën e Kampionëve si dhe në titullin e fundit në Ligën Premier.
Por holandezi është futur në vitin e fundit të kontratës me The Reds dhe ende nuk ka vazhduar atë.
Ai është duke u kërkuar nga shumë skuadra, përfshirë Barcelonën me trajnerin Ronald Koeman që e dëshiron me ngulm.
Në anën tjetër Liverpooli i ka ofruar kontratë të re atij, por që ende nuk e ka pranuar dhe kampioni në fuqi i Anglisë po e bënë të pamundurën që ta bindin atë për të qëndruar në Anfield.
“Shpresoj që Wijnaldum do të nënshkruajë kontratën e re. Ju e shihni se ai luan gjatë gjithë kohës dhe ne kemi një marrëdhënie shumë të mirë”, ka deklaruar Klopp pas fitores ndaj Wolverhampton.
30-vjeçari u bashkua me Liverpoolin në verën e vitit 2016 nga Newcastle Unitedpër një shumë rreth 28 milionë euro.
Reprezentuesi holandez këtë edicion ka luajtur në 18 ndeshje në të gjitha garat, ku ka shënuar një gol. /Telegrafi/