Liverpooli pret Manchester Cityn në derbin e madh të xhiros së 11-të të Ligës Premier të dielën në orën 17:30 në ‘Anfield Road’.
Skuadra e Klopp është në pozitën e 11-ta në renditje, me 13 pikë prapa Man Cityt, dhe The Reds pak a shumë janë larguar nga gara për titull tashmë.
Sulmuesit e Liverpoolit nuk janë në formë të mirë këtë sezon, pasi largimi i Sadio Mane në Bayern Munich la një vrimë të madhe në sulmin e tyre, ndërsa Darwin Nunezit i duhet ende kohë që të përshtatet.
Megjithatë, uruguaiani, për të cilin Klopp pagoi 80 milionë euro, shënoi vetëm katër gola dhe ende nuk është përshtatur plotësisht, ndryshe nga Erling Haaland, i cili po thyen rekorde te Man City.
“Unë do ta them në këtë mënyrë – nëse Darwini do të luante në Man City këtë sezon, ai do të shënonte shumë më shumë gola sesa ka deri më tani. Ne duhet të përmirësojmë lojën tonë dhe t’i lejojmë atij të ketë shumë më tepër raste”.
“Shpresoj që ai të mos e krahasojë veten me Haaland në kokën e tij sepse nuk ka kuptim. Një gjendje e tillë shpirtërore vetëm mund ta dëmtojë atë dhe ai duhet të fokusohet në lojën e tij. Ne duhet të shikojmë vetëm veten dhe të mendojmë se si për të përmirësuar”, ka thënë Klopp. /Telegrafi/