Liverpool dhe Chelsea do të takohen sonte në kuadër të xhiros së 23 të Ligës Premier.
Trajneri i The Reds, Jurgen Klopp ka folur para sfidës së mbrëmjes, e cila mund të përcaktojë edhe ecurinë e më tutjeme të skuadrës angleze.
Gjermani ka thënë se është një lojë e rëndësishme për Liverpoolin, por që nuk ka përgatitur ndonjë strategji të veçantë, transmeton Telegrafi.
“Do të doja që të kem mundësi t’i harrojmë tre ndeshjet e fundit, por është e pamundshme. Kemi një punë të madhe për të bërë kundër Chelseat. Nuk jam duke bërë ndonjë gjë speciale, por kërkoj të bëmë lëvizjet e duhura në kohë të duhur. Të jemi të gatshëm 100 përqind për ndeshjen dhe se është e vështirë. Saido Mane është rikthyer, por do të shohim nëse do të jenë në gjendje të luajë”, tha Jurgen Klopp.
Ndryshe, Chelsea është lider i ligës elitare angleze me 55 pikë, përkatësisht ka dhjetë më tepër se Liverpooli i vendit të katërt. /Telegrafi/
