Jurgen Klopp ka thënë se Liverpooli nuk është skuadra më e mirë në botë, përkundër se e fituan Ligën e Kampionëve në sezonin e kaluar.
Trajneri gjerman ka deklaruar se rivali i tyre nga Liga Premier, Manchester City është skuadra më e mirë në planetë.
Skuadra e Kloppit e fitoi për herë të gjashtë trofeun e garës më të madhe në Evropë për klube, mirëpo ka bërë të ditur se ata janë ende larg formës së Citizens.
“Ne nuk mund të jemi skuadra më e mirë në Evropë, derisa Manchester City është skuadra më e mirë në botë. Mendoj se ky është planeti i njëjtë, mendoj unë”, ka thënë gjermania.
“E fituam Ligën e Kampionëve, mirëpo kjo nuk do të thotë që vazhdoni të jeni skuadra më e mirë në Evropë. Duhet të punoni shumë dhe të krijoni një skuadër që mund të përballet me çdo kundërshtar”, ka shtuar më tej Klopp.
Liverpooli do ta fillojë mbrojtjen e titullin të Ligës së Kampionëve sonte ndaj Napolit nga ora 21:00. /Telegrafi/