Jurgen Klopp ka shprehur edhe një herë respektin e tij për Pep Guardiolan.
Liverpool dhe Manchester City do të ndeshen mes vete këtë të diel në ndeshjen e vlefshme për Ligën Premier.
Kjo ndeshje do të jetë edhe një garë mes dy trajnerëve, Guardiola dhe Klopp, të cilët ishin rival edhe gjatë kohës së tyre në Gjermani.
Megjithatë, trajneri i ‘Redsave’ nuk mban aspak inat në Guardiolan, të cilin e respekton shumë për punën e bërë si tek Barcelona ashtu edhe tek Bayern Munich.
“Mund të them se Barcelona e Guardiolas ishte një model i mirë për të treguar se si fitohet. Kjo dyshe ishte një kombinim perfekt”, ka thënë fillimisht Klopp për mediat angleze.
“Guardiola kishte një gjeneratë të mirë edhe te Bayerni, në Gjermani nuk kishte skuadër të dytë, ne tentuam ta bënin atë, por kjo nuk ndodhi për arsye të ndryshme”, përcjell Telegrafi.
“Liga Premier është liga më e fortë në botë. Është shumë e vështirë për t’u bërë kampion këtu”, përfundoi trajneri gjerman. /Telegrafi/