Jurgen Klopp ka befasuar me një deklaratë të tij të dhënë për mediat gjermane, duke thënë se pas dy apo tri vitesh mund të pensionet.
Trajneri gjerman që e fitoi Ligën e Kampionëve dhe Superkupën e Evropës me Liverpoolin e ka paralajmëruar largimin e tij nga futbolli edhe pse ka vetëm pak kohë që ka mbushur 52 vjet.
Klopp në një intervistë për gazetën prestigjioze gjermane Bild ka theksuar se në futboll nuk i dihet asnjëherë se çfarë mund të ndodhë në të ardhmen.
“ Në radhë të parë shpresoj që gjithçka të më shkojë po kaq mirë sa tani. Pas 2-3 vitesh do të shohim, gjithçka është e mundur madje edhe tërheqja ime”.
“Nuk e di nëse do të ndodhë vërtetë por po e them që tani që në rast se diçka e tillë ndodh, të mos habitet askush”, deklaroi Klopp.
Për Jurgen Kloppin, gjermanët shpresojnë ta shohin në krye të kombëtares. /Telegrafi/