Jurgen Klopp ja ka tërhequr vërejtjen ekipit të tij që të ketë kujdes nga Pierre-Emerick Aubameyang.
Aubameyang luajti nën drejtimin e Kloppit te Dortmundi dhe është top golashënues në Ligën Premier tash me 13 gola.
Aubameyang konsiderohet rrezik permanent për Liverpoolin dhe këtë më së miri e di vet Kloppi.
“Ai është shumë i dëmshëm për ne, një lojtar dhe njeri i jashtëzakonshëm, një djalosh shumë qesharak dhe i mirë”.
“Ai ka mendjen e një top golashënuesi, gjithnjë i relaksuar para goli. Ai kombinon shpejtësinë dhe aftësinë për të finalizuar raste dhe kjo është gjë e rrallë”.
“Ai është i rrezikshëm në hapësirë të madhe dhe në hapësirë të vogël di të godasë topin me kokë. Është një lojtar i mrekullueshëm që ka blerë Arsenali”, deklaroi Klopp.
Arsenali luan ndaj Liverpoolit të dielën në kuadër të Ligës Premier. /Telegrafi/