Policia e Kosovës për rajonin e Ferizajt ka bërë të ditur se ka arrestuar personin e dyshuar për disa vjedhje, saktësisht për vjedhjen e çantave dhe kuletave.
Në njoftimin e Policisë thuhet se Njësia e hetimeve e stacionit të policisë në Ferizaj, nën autorizim të prokurorit nga Prokuroria Themelore në Ferizaj kishte marrë të gjitha veprimet e nevojshme dhe kishte nisur hetimet për disa vjedhje që kishin ndodhur në Ferizaj.
“Policët hetues pas një punëve intensive, grumbullimit të informacioneve në terren, shikimit të kamerave të sigurisë kanë arritur që të sigurojnë prova të mjaftueshme, të identifikojnë të dyshuarin dhe me datën 04.04.2023 rreth orës 11:30 kanë arrestuar të dyshuarin M.I (M/K) i moshës 43 vjeçar, i cili dyshohet se ka kryer disa vjedhje në Ferizaj”, thuhet në njoftim.
Në komunikatën e Policisë bëhet e ditur se i arrestuari dyshohet se më 09.03.2023 rreth orës 15:00 në rrugën ‘’Ahmet Kaçiku’’ ishte vjedhur një çantë krahu me disa dokumente, më 23.03.2023 rreth orës 14:20 në rrugën ‘’Reçaku’’ ishte vjedhur një çantë brezi me para kesh 2500 euro.
Personi i arrestuar po ashtu dyshohet se më 23.03.2023 rreth orës 12:30 në rrugën ‘’Ahmet Kaçiku’’ ishte vjedhur një telefon celular dhe më 01.04.2023 rreth orës 12:00 në një qendër tregtare në Ferizaj ishte vjedhur një portofol me para kesh rreth 100 euro.
I dyshuari M.I është shoqëruar në stacionin e policisë në Ferizaj dhe pas intervistimit të tij nga policët hetues, në prani edhe të avokatit mbrojtës, me vendim të prokurorit të rastit është ndaluar në mbajtje për 48 orë, për procedura të mëtejme hetimore. /Telegrafi/