Kim Kardashian ka zbuluar atë që u bisedua mes saj dhe motrës Kendall Jenner në një foto nga Met Gala 2021 e cila që atëherë është bërë virale.
Në fotografinë qesharake, Kim, 40 vjeç, po qëndron me krahët e zgjatur ndërsa Kendall, 25 vjeç, e shikon atë me një shprehje të hutuar gjatë takimit të tyre në tapetin e kuq, shkruan DailyMail.
Shumë fansa të familjes bënë shaka se Kim nuk ishte në gjendje të shihte se kush ishte Kendall, për shkak të faktit se fytyra e saj ishte e mbuluar plotësisht nga një maskë e zezë.
Ylli i njohur tani ka konfirmuar se kjo ishte në të vërtetë kështu, pasi ajo bëri shaka se Kendall po bërtiste emrin e saj dhe ajo nuk ishte në gjendje të kuptonte se kush ishte.
Të enjten, ajo sqaroi në InstaStory spekulimet rreth fotografisë që vërshoi rrjetet sociale.
“Kendall po thërriste emrin tim dhe unë nuk mund ta shihja se kush ishte, por pashë skicën e fustanit të saj me shkëlqim”, tha Kim.
Kim ishte kryefjala e ngjarjes së modës Met Gala, duke impresionuar e mbuluar e tëra në të zeza, kostum ky i realizuar nga marka e njohur “Balenciaga”.
Ndërkohë, motra e saj Kendall dukej mahnitëse në një fustan të tejdukshëm, i inspiruar nga aktorja Audrey Hepburn.
Kjo nuk ishte hera e vetme që Kim befasoi me këtë lloj të veshjes, dukje të ngjashme 40-vjeçarja ka bërë edhe disa të tjera kohëve të fundit.
Kjo paraqitja e Kim është aluduar se ka të bëj me promovimin e albumit “Donda” të ish-burrit të saj, reperit, Kanye West, i cili kryesisht ka përdorur ngjyrën e zezë si simbol të albumit, dhe paraqitjet e tij ka qenë kryesisht me nuanca të mbyllëta. /Telegrafi/