Ylli botëror, Kim Kardashian ka rikujtuar një nga ditët më të rëndësishme të jetës së saj, dasmën me reperin Kanye West.
Çifti janë martuar pesë vite më parë dhe supermodelja tani e rikujton atë ditë me disa momente mjaft të veçanta. Në llogarinë e saj personale, Instagram ka publikuar disa fotografi gjatë asaj dite teksa po përgatitej për festë.
“Kjo ishte dita e dasmës time, pesë vite me parë në Itali. Ne fluturuam për në Paris për të bërë grimin me kohë. Ne mezi arritëm më kohë pasi Andrea Bocelli vetëm kishte filluar të këndontë dhe unë nuk munda ta humbasë atë. Unë nuk e kisha idenë se ishte me të vërtetë ai derisa arrita në ishull dhe bërtita. Kaq shumë kujtime të mahnitshme”, ka shkruar Kim.
Dyshja tashmë janë prindër të vajzës pesëvjeçare North, djalit trevjeçar Saint, Chikagos, 15 muajshe dhe të një djali të sapolindur.
Bukuroshja vazhdon të jetë një nga femrat më të suksesshme në saje të linjës së saj të kozmetikës. /Telegrafi/