Kim Kardashian shprehu shqetësimin se të dashurit e saj të ardhshëm do të “frikësohen” nga ish-bashkëshorti i saj, Kanye West.
“Është një pjesë e imja që është si, ‘O Zot, a do të tremben të gjithë sepse nuk e kam ish-in më të lehtë?”, tha ikona televizive, 42-vjeçe, në episodin e së hënës të “Angie Martinez IRL”.
“Unë nuk mendoj se është e drejtë për mua të vendos dikë në një situatë ose të sjell një person që mund të jetë super i pafajshëm”, vazhdoi ajo. “Pastaj ka një anë që është si, “Pse do të më duhej të jetoja ndonjëherë në këtë mënyrë?””.
Diku tjetër në bisedën e saj me prezantuesen Angie Martinez, Kardashian, qau për vështirësitë e bashkë-prindërimit me West, 45-vjeç, pasi sjellja e tij u bë gjithnjë e më e diskutueshme këtë vit.
“Është vërtet shumë e vështirë”, pranoi ylli i “Kardashians”, i cili ndan North, Saint, Chicago dhe Psalm me reperin.
Ish-çifti finalizoi divorcin e tyre më 29 nëntor. Kardashian fillimisht u paraqit në gjykatë në shkurt 2021 pas shtatë vitesh martesë.
“Nuk e di nëse do të martohem sërish, por do të kem partnerin tim të përjetshëm. Unë e di atë. Ai po vjen, absolutisht”, i tha ajo Martinez, 51-vjeçe. “Unë jam në paqe dhe do të argëtohem derisa të ndodhë kjo”.
Personi i parë me të cilin Kardashian ka qenë në lidhje pas ndarjes nga West ishte komediani Pete Davidson.
Ata filluan të takoheshin në tetor 2021, por përfundimisht e ndërprenë lidhjen e tyre këtë gusht. /Telegrafi/
