Telegrafi

Kievi pretendon se ushtrisë ruse i kanë shkatërruar mbi 500 autoblinda brenda çdo muaji, që nga fillimi i luftës

Sipas të dhënave më të fundit të Kievit, Rusia ka humbur më shumë se 500 mjete të blinduara brenda një muaji, që nga fillimi i pushtimit rus në Ukrainë në shkurt të vitit 2022.

Ministria ukrainase e Mbrojtjes ka postuar në X, sesa copë pajisjesh ushtarake forcat e saj kanë arritur t’ia shkatërrojnë rusëve në 24 muajt e parë të luftës që e filloi Vladimir Putini.

Siç raporton Newsweek, në postim thuhet se 13 mijë automjete të blinduara ruse janë shkatërruar nga fillimi i pushtimit rus në Ukrainë, transmeton Telegrafi.

Lexo po ashtu Zelensky i thotë senatorit amerikan gjatë vizitës në Kiev, se është shumë e rëndësishme ndihma amerikane për vendin e tij

“Kjo do të thotë se mesatarisht 500 automjete të blinduara janë shkatërruar në një muaj. Luftëtarët ukrainas kanë shkatërruar armët ruse me shpejtësi të paparë. Bravo”, thuhet në postimin e ministrisë ukrainase të Mbrojtjes.

Në raportin e fundit gjithashtu theksohet se Rusia ka humbur 6.809 tanke, 12.141 automjete dhe kamionë cisterna si dhe 1.017 sisteme raketore dhe 720 sisteme të mbrojtjes kundërajrore. /Telegrafi/