Nëse nuk do të ishte coronavirusi, sezoni 2019/20 në Ligën Premier do të mbahej mend për vendimet kontroverse të Video Asistentit të Gjyqtarëve (VAR).
Teknologjia në futbollin anglez filloi në fillim të këtij edicioni, mirëpo gjërat nuk kanë shkuar sipas planit.
Pothuajse në çdo javë, kishte një gol të anuluar, derisa lojtarët protestonin se nuk ishin në pozitë jashtë loje, derisa lëshoheshin vijat kontroverse.
Por, nëse VAR nuk do të përdorej në këtë edicion, tabela e Ligës Premier natyrisht se do të dukej më ndryshe.
Liverpooli do të kishte minus katër pikë, derisa Manchester City, do të kishte plus tre sosh.
Leicesteri do të kishte dy pikë më pak, për dallim nga Chelsea që do të merrte plus tri pikë të tjera.
Wolverhampton Wanderers do të ishte shpërblyer me pesë pikë të reja, ndërsa skuadrat e mëdha si Manchester United do të kishte minus pesë pikë, ndërsa Arsenali do të ishte plus një. /Telegrafi/
