Pas disa orëve bisedime në Klubin e Deputetëve, kryetarët e partive ranë ujdi për disa gjëra të cilët duhet të vendosin të ardhmen e Maqedonisë, transmeton Telegrafi Maqedoni.
Deklarata e kryetarit të OBRM-PDUKM-së, Nikolla Gruevski
”Qëllimi jonë ka qenë tashmë një vit të ketë zgjedhje për zgjidhje. LSDM krijonte kriza për t’i shtyrë zgjedhjet. Zgjedhjet e 11 dhjetorit do ta dënojnë këtë politikë. Është mirë që ata nënshkruajtën që do të shkojnë në zgjedhje. Më 11 dhjetor fjalën e fundit do ta jep populli dhe do ta zgjedhë opsionin e duhur” tha Gruevski, përcjell Portalb.
Deklarata e kryetarit të LSDM-së, Zoran Zaev
”Nga sot regjimi i Gruevskit shkon në histori, më 11 dhjetor do ta fitojmë krimin, varfërinë dhe mafinë. Ju ftoj në mobilizim për fitoren e Maqedonisë. Këto zgjedhje do të jenë referendum. I paralajmërojmë të mos e shkelin marrëveshjen dhe të mos e pengojnë punën e Prokurorisë Speciale.” tha Zaev.
Deklarata e kryetarit të BDI-së, Ali Ahmeti
”Arritëm marrëveshja për zgjedhje të lira dhe demokratike. Nga 2 shtatori do të formohet Qeveria e cila do t’i organizojë zgjedhjet. Çfarë kemi diskutuar në takim është në marrëveshjen e nënshkruar.” tha Ahmeti.
Deklarata e kryetarit të PDSH-së, Menduh Thaçi
”Vendosëm për zgjedhje më 11 dhjetor, përgjegjësinë do ta mbajnë ato që e nënshkruajtën dokumentin. Ne shpresën e vetme e kemi te faktori ndërkombëtar. Varianti i parë është kthimi i qeverisë së Marrëveshjes së Përzhinës mes VMRO DPMNE-së, BDI-së dhe LSDM-së dhe varianti i dytë është që të formohet qeveri me katër partitë me të mëdha ku do të përfshihet edhe PDSH-ja. Ne kemi përsëritur qëndrimin tonë se nuk futemi në qeveri nëse nuk marrim ministra sa BDI-ja”, kishte deklaruar Thaçi. tha Thaçi./Telegrafi/