Këshilltari kryesor i presidentit ukrainas, Volodymyr Zelensky përsëriti se duhet të shkatërrohet ura e Krimesë.
Duke shkruar në rrjetet sociale, Mykhailo Podoliak tha se Ukraina nuk ka dhënë kurrë leje për ndërtimin e urës dhe se ajo është një “objekt i paligjshëm”.
“Ai dëmton ekologjinë e gadishullit dhe për këtë arsye duhet të çmontohet. Nuk ka rëndësi se si – vullnetarisht apo jo”, tha ai.
About "Kerchen bridge". As recorded in international law: Crimea – 🇺🇦. So this bridge is an illegal object, permission for the construction of which was not given by Ukraine. It harms the peninsula’s ecology and therefore must be dismantled. Not important how – voluntary or not.
— Михайло Подоляк (@Podolyak_M) August 17, 2022
Theksojmë se ai gjatë ditëve të kaluara ka dhënë një intervistë për gazetën britanike, theguardian, ku ka treguar edhe strategjinë e forcave ukrainase.
“Strategjia jonë është të shkatërrojmë logjistikën, linjat e furnizimit dhe depot e municioneve dhe objekte të tjera të infrastrukturës ushtarake. Kjo krijon kaos brenda forcave të tyre”, tha ai.
Podoliak, i cili kishte qenë një negociator i bisedimeve të paqes në fazat e hershme të konfliktit, tha se nuk kishte asnjë perspektivë që Rusia të negocionte seriozisht derisa të kishte pësuar një disfatë në fushën e betejës.
Ai tha se disa vende evropiane të paidentifikuara ishin “nën iluzionin” se Kremlini mund të kërkojë bisedime me mirëbesim. /Telegrafi/
