Ronald de Boer ka këmbëngulur se fanella me numrin 10 te Barcelonës “duhet të qëndrojë” pas largimit emocional të Lionel Messit nga Camp Nou.
Argjentinasi, i cili erdhi përmes akademisë së famshme të katalunasve, La Masia, fillimisht veshi fanellën me numrin 30 në klubin spanjoll në sezonin 2004-05.
Superylli argjentinas 34-vjeçar mbajti fanellën numër 30 për edicionin 2005-2006 para se të vishte fanellën me numrin 19 për dy sezonet e ardhshme.
Messi trashëgoi fanellën numër 10 nga sezoni 2008-09 pasi legjenda e Brazilit, Ronaldinho përfundoi kalimin e tij te Milani.
Fituesi i gjashtë herë i Topit të Artë ishte i përlotur gjatë konferencës së tij të lamtumirës për shtyp të Barcelonës të Dielën, përpara një lëvizjeje të raportuar në Paris Saint-Germain.
Tifozët i kanë bërë thirrje klubit të La Ligës që të tërheqë fanellën numër 10 pas largimit të Messit, me numrin e fanellës aktualisht që nuk është në posedimin e askujt përpara sezonit të ri.
Legjenda e Ajaxit, De Boer tani ka pohuar se fanella me numrin 10 te Barcelona nuk duhet të tërhiqet, duke thënë se ai e mban mend Messin më shumë për aftësitë e tij sesa fanellën e tij.
51-vjeçari holandez shtoi se Barcelona duhet t’ia japë fanellën një të riu që ka aspiratat për t’u bërë “aq i mirë sa Messi”.
Duke folur për talkSPORT, De Boer tha: “Ne e kishim atë me Johan Cruyff, numrin 14 [në Ajax], natyrisht”.
“Në një mënyrë ose tjetrën, jo, gjithmonë duhet të ëndërrosh të jesh po aq i mirë sa Messi. Unë mendoj se numri 10 duhet të qëndrojë gjallë, për të mos thënë, mirë ne do ta vendosim diku dhe askush nuk do ta prekë atë”.
“Dua të them, Messi është Messi. Nëse mendoj për Messin, ka të bëjë me aftësitë e tij në futboll, pra jo me fanellën e tij. Mundohuni t’ia jepni një të riu që dëshiron të jetë po aq i mirë sa Messi”, ka shtuar ai më tej.
Messi ka marrë një ofertë zyrtare dyvjeçare nga PSG dhe pritet të nënshkruajë për skuadrën e Ligue 1 këtë javë.
Legjenda e Barcelonës konfirmoi të dielën se ishte një “mundësi” e vërtetë që ai mund të nënshkruante për klubin me bazë në Paris. /Telegrafi/
🔟 “The number 10 must stay alive.”
💫 “If I think about Messi, it’s about his football skills not his shirt.”
🙏 “Give the #10 to a youngster who wants to be just as good as Messi.”
Ronald de Boer says Barcelona should not retire the number 10 shirt. pic.twitter.com/4JEYQNSvyB
— talkSPORT (@talkSPORT) August 9, 2021