Mail Sport raporton se Mauricio Pochettino po pret katër transferime të tjera para fundit të gushtit, që do të thotë se Chelsea nuk ka përfunduar me përforcime.
Është shtuar se Tyler Adams duhet të jetë i pari që do të mbërrijë, duke pasur parasysh se ai ka një klauzolë të përballueshme lirimi e cila thjesht duhet të aktivizohet dhe është në 25 milionë euro.
Moises Caicedo është caku i tyre kryesor i kësaj vere dhe duket se ka ende optimizëm se një marrëveshje mund të ndodhë.
Kjo lë hapësirë për dy të tjerë – duke marrë parasysh thashethemet që janë më të nxehta tani, do të ishin Dusan Vlahovic si pjesë e një shkëmbimi me Romelu Lukakun dhe Michael Olise i Crystal Palace.
Pochettino i synon këto katër transferime deri më 31 gusht, pasi më 1 shtator mbyllet afati i transferimeve dhe strategu e di se nuk ka shumë lojtarë në përbërje.
Ai ka bërë të ditur më parë se ekipi i tij do t’i ketë maksimumi 25 lojtarë, ndërsa lojtarët që nuk janë në planet e tij tashmë janë të informuar. /Telegrafi/