Katër persona kanë mbetur të lënduar në një aksident trafiku, që ka ndodhur pasditen e sotme në fshatin Ozdrim të Pejës.
Lajmin e ka konfirmuar për Telegrafin, zëdhënësi i Policisë së Kosovës për rajonin e Pejës, Xhevat Ibraj.
“Mund të ju konfirmoj se ka ndodhur një aksident trafiku në rrugën Pejë-Mitrovicë, në fshatin Ozdrim. Në aksident janë përfshirë dy vetura ku kanë mbetur të lënduar katër persona”, tha Ibraj, për Telegrafin.
Ai tha se personat e lënduar janë dërguar në spitalin rajonal të Pejës dhe se janë jashtë rrezikut për jetë.
Në dy ditët e fundit, policia ka njoftuar për një numër të madh të aksidenteve në komunikacion, disa prej tyre ishin me fatalitet./Telegrafi/