Jurgen Klopp ka pranuar se Liverpool do të kërkojë të nënshkruajë me një mesfushor të ri këtë verë.
Më parë gjermani ishte i bindur se Reds nuk kishin nevojë të forconin atë zonë të fushës.
Megjithatë, lëndimet e mesfushorëve kryesorë dhe vështirësitë e tyre për të filluar sezonin e kanë detyruar atë të rimendojë.
Ndërsa The Evening Standard nuk i ka emrat në listën e ngushtë të Klopp, ata kanë emëruar katër lojtarë me të cilët klubi ka qenë shumë i lidhur gjatë verës.
Jude Bellingham
Bellingham është një nga të rinjtë më të lakmuar në botë për momentin. Megjithatë, bindja e Borussia Dortmundit për ta shitur atë këtë verë mund të jetë e ndërlikuar.
Nicolo Barella
25-vjeçari është zhvilluar në një nga mesfushorët më të mirë të Evropës te Interi. Ai luajti një rol të madh në fitoren e Italisë në Euro 2020 verën e kaluar.
Moises Caicedo
Caicedo ka kthyer kokën e top klubeve me disa performanca tërheqëse në Brighton. Vetëm 20 vjeç, ekuadoriani vetëm sa shkon e bëhet më i mirë.
Frenkie De Jong
Derisa është një objektiv i Manchester United dhe Chelseat, Liverpooli është lidhur me një lëvizje në ditët e fundit.
Afati i transferimeve mbyllet më 1 shtator, që do të thotë se Klopp dhe Liverpool kanë pesë ditë për të nënshkruar me një mesfushor. /Telegrafi/