Katër persona janë lënduar në një aksident trafiku në magjistralen Prishtinë-Pejë, nga katër sosh që kanë ndodhur më herët në këtë rrugë.
Rastin e ka bërë të ditur zëdhënësi i Policisë për rajonin e Prishtinës, Bajram Krasniqi.
Po ashtu janë krijuar kolona të gjata automjetesh.
“Policia është njoftuar për një aksident trafiku të ndodhur në rrugën nacionale Prishtinë-Pejë (fshati Koreticë)”.
Sipas policisë, aksidentet janë shaktuar si pasojë e rrugës së rreshqitshme, pas motit me shi.
“Sipas raportimeve nga kjo zone ka pasur reshje te vazhdueshme te shiut dhe qarkullimi ka pasur veshtiresi per shkak te aksidenteve qe jane shkaktuar. Policia e Kosovës me njesitet e saj ne trafik, respektivisht ato per kontroll në autostradë po merret me trajtimin e rasteve te raportuara dhe menaxhimin e rrjedhes se trafikut”, thuhet në deklaratën e Policisë në të cilën kanë apeluar për kujdes në vozitje, raporton Telegrafi.
