Gonzalo Higuain ka përfunduar si pjesë e karikaturës së ditës së bërë nga i njohur Omar Momani për ‘Goal.com’.
Logo e re e Juventusit është bërë objekt i shumë debateve në mediat italiane dhe ato botërore, pasi kjo logo e kampionit italian ka shumë kundërthënie nga njohësit e futbollit, por edhe tifozët e Juves, përcjell Telegrafi.
Kështu, karikaturisti i njohur, Momani, ka vendosur që logon e re ta pasqyroj në karikaturat e tij ditore në ‘Goal.com’.
Në këtë karikaturë, Higuain shihet teksa ik nga logo e re e prezantuar nga presidenti, Andrea Agnelli, dhe me ‘mbipeshën’ e tij zgjedh një hamburger të markës së njohur Mc Donald, që pasqyrohet si logo e ‘re’ e ardhshme e Milanit me kamerier administratorin Adriano Galliani. /Telegrafi/
