Kaos dhe dhunë në derbin e madh turk – Fenerbahce fiton si mysafir ndaj Trabzonspor, lojtarët sulmohen nga tifozët

Fenerbahce ka marr një fitore të madhe si mysafir ndaj rivalit të përbetuar Trabzonspor me rezultat 3-2, por ajo që u pa në fund, nuk i takonte një ndeshje futbolli.

Fenerbahce kishte shënuar dy herë me Fred në pjesën e parë, ndërsa ndeshjen e hapi goli i bukur i Enis Bardhit nga goditja e dënimit.

Trezeguet barazoi nga penalltia për 2-2, por këtu nuk u mbyll.

Pak pa u mbyllur koha e rregullt, Michy Batshuayi shënoi golin për 3-2, që doli të jetë i fitores për Fenerin.

Futbollistët e Fenerbahces festuan fitoren në mesin e fushën, por kjo nuk zgjati shumë, pasi që tifozët e Trabzonspor pushtuan fushën.

Ata sulmuan lojtarët e Fenerbahces fizikisht, të cilët pas një përleshje për disa sekonda u larguan drejt tunelit.

Tifozët vendas edhe gjatë ndeshjes gjuajtën pa ndalur drejt lojtarëve të Fenerbahces, duke lënduar Dominik Livakovic dhe trajnerin e mysafirëve, Ismail Kartal.

Fenerbahce ka 79 pikë, dy pikë më pak se Galatasaray që ka 81. /Telegrafi/