Kanye West e ka realizuar videoklipin mjaft kontrovers të këngës me titull “Famous”.
Reperi kishte organizuar një eveniment në Los Angeles për premierën e këngës që është e para nga albumi “The Life of Pablo” e kompletuar edhe nga ana vizuale.
Në video janë përfshirë personazhe të ngjashëm me Bill Cosby, Caitlyn Jenner, Amber Rose, Ray J, Kim Kardashian, Chris Brown, Rihanna, Donald Trump, Anna Wintour, George Bush e Taylor Swift.
I frymëzuar nga piktori amerikan, Vincent Desiderio, klipi përmban shumë protagonistë të zhveshur që janë të shtrirë në një shtrat të madh.
Videoklipi mund të shikohet vetëm në Tidal, ndërsa duke folur për këtë projekt, West ka thënë se videoja nuk paraqet as mbështetje e as kundërshtim për ata që janë pjesë e videos.
“Është një koment për famën. Kemi qenë shumë të kujdesshëm me xhirimet që në rast se kishte diçka seksuale, e kemi larguar”, ka thënë Kanye për Vanity Fair. /Telegrafi/
https://twitter.com/TheShadeAccount/status/746540022191497216