Përfaqësuesi i Kanye West ka mohuar pretendimet e bëra në një proces gjyqësor se reperi punësoi dikë për të ndjekur gruan e tij Bianca Censori dhe për të hetuar familjen Kardashian.
Në padinë e ngritur të enjten, një ish-punonjës i reperit 47-vjeçar – i cili kohët e fundit hodhi poshtë se ishte ndarë nga Censori, 29-vjeçare pohon se West e udhëzoi atë të punësonte hetues privatë për t’i qëndruar pas Censorit, ndërsa ajo ishte jashtë vendit.
“Shumë nga detajet në ankesën e tij janë thjesht fantastike dhe false”, tha përfaqësuesi i Kanye për Page Six të premten, shkruan DailyMail.
Përfaqësuesi më tej deklaroi se padia – e cila gjithashtu akuzon West për abuzim të oksidit të azotit – është projektuar për të shkaktuar siklet dhe/ose për të përfituar nga problemet e perceptuara në martesën e Ye.
Sipas padisë së marrë nga Rolling Stone, detyrat e “John Doe” dyshohet se përfshinin zbutjen e rreziqeve të West dhe parandalimin e shtypit të keq, duke përfshirë hetimet dhe menaxhimin e marrëveshjeve të moszbulimit.
Ai gjithashtu pretendon se hetimet e tij kishin në shënjestër Censorin dhe familjen Kardashian, përfshirë ish-gruan e West, Kim Kardashian, me hetues privatë që dyshohet se ndiqnin Censorin me urdhër të West.
Padia prej 22 faqesh e paraqitur në Los Angeles thotë: ‘Një detyrë veçanërisht e dukshme nga Ye ishte që të punësonte hetues privatë për të ndjekur gruan e tij, Bianca Censori, kur ajo po udhëtonte e vetme për të vizituar familjen në Australi. /Telegrafi/
