Në kuadër të deklaratave të fundit kundërthënëse në rrjetet sociale, Kanye West ka thënë se Michael Jackson është vrarë.
Reperi, i cili vuan nga çrregullimi bipolar, është përfshirë në një zënkë me familjarët e gruas së tij, Kim Kardashian, ndërkohë që ka përmendur edhe çështje të tjera.
Jackson vdiq më 25 qershor 2009 në moshën 50 vjeçare, ndërsa shkaku i vdekjes është cilësuar si arrest kardiak i shkaktuar nga kombinimi fatal i barnave që ia kishte shkruar mjeku i tij personal.
“MJ (Michael Jackson) ju tregoi për Tommyn para se ta vrisnin, Kim ia shpëtoi jetën vajzës time në emër të Jezusit. Është vetëm zgjedhje e Zotit, unë do të jetoj për fëmijët e mi Kris (Jenner)”, ka shkruar 43-vjeçari në dedikimin e tij për nënën e bashkëshortes.
West i është referuar zënkës Michael me shefin ekzekutiv të Sonyt, Tommy Mottola, të cilin e kishte thirrur racist dhe djallëzor, kur dështoi t’ia promovonte albumin e vitit 2001, “Invincible”.
Në ndërkohë, bëhet e ditur se reperi është duke u fshehur në një bunker në rançin e tij në Wyoming me disa miq të zgjedhur, pasi që e ka humbur besimin te bashkëshortja, Kim Kardashian, me të cilën ka jetuar ndaras në muajt e fundit. /Telegrafi/
