Një person është arrestuar dhe pastaj është dërguar në mbajtje pasi dyshohet se ka kanosur me armë zjarri dy persona të tjerë.
Rasti ka ndodhur mbrëmjen e së mërkurës në rrugën “Zahir Pajaziti”, në Podujevë.
Sipas raportit të PK-së, arma e nuk është gjetur, ndërkaq me vendim të prokurorit i dyshuari është dërguar në mbajtje.
“Rr. Zahir Pajaziti, Podujevë, 16.06.2021 – 21:15. Është arrestuar i dyshuari mashkull kosovar pasi që i njëjti kishte kanosur dy viktimat meshkuj kosovarë. Arma nuk është gjetur. Në lidhje me rastin është konsultuar prokurori i shtetit me vendim të së cilit i dyshuari është dërguar në mbajtje”, thuhet në raport. /Telegrafi/