Lajmi i konfirmuar se trajneri Joachim Low nuk do të vazhdojë me Gjermaninë në postin e tij pas kampionatit evropian këtë verë ka ndezur spekulime se kush do të jetë pasardhësi i tij.
Pavarësisht zhgënjimit në Ligën e Kombeve – kur përfshirët edhe një humbje 6-0 ndaj Spanjës në nëntor të vitit të kaluar, Loë do të hyjë në historinë të futbollit gjerman.
Në 15 vite si shef i ekipit kombëtar, Low fitoi Kupën e Botës në vitin 2014, përfundoi i treti në vitin 2010, fitoi Kupën e Konfederatave në vitin 2017 dhe arriti në finalen e Euro 2008.
Nuk do të jetë e lehtë të zihet vendi i tij, por tashmë po qarkullojnë disa emra të ndryshëm që janë të lidhur me zëvendësimin e Low.
Jurgen Klopp
Klopp do të ishte opsioni i ëndrrave për federatën gjermane. Ai ka një kontratë me Liverpoolin deri në vitin 2024 dhe do të jetë një kandidat i vështirë për tu afruar.
Hansi Flick
Është e vështirë të imagjinohet që Flick do të largohej nga Bayern pasi shijoi një sezon të suksesshëm.
Një faktor që nxit këto zëra është se Flick shihet si njeriu i Karl-Heinz Rumennigge në Bayern, por ai është zëvendësuar si CEO nga Oliver Kahn. Flick gjithashtu ka një marrëdhënie të vështirë me drejtorin sportiv Hasan Salihamidzic.
Flick ka punuar me Gjermaninë më parë, pasi ai ishte ndihmësi i Low në Kupën e Botës 2014.
Ralf Rangnick
Ish- shefi i Schalkes, Hoffenheimit dhe RB Leipzigit konsiderohet nga shumë njerëz si influencues tek shumë trajnerë të tjerë gjermanë, përfshirë edhe Jurgen Klopp.
Ai ka qenë një nga figurat kryesore në projektin e futbollit të Red Bull gjatë dekadës së fundit.
Lotthar Matthaus
Ndoshta trajneri me më pak gjasa duket Matthaus, po ai ka fituar terren së fundmi.
Legjenda gjermane nuk e ka stërvitur që nga viti 2011 dhe pavarësisht rezultateve jo të mira, ai është ende shumë i vlerësuar në qarqet e futbollit gjerman. /Telegrafi/