Reperi i njohur Capital T mund të thuhet pa diskutim se është një nga reperët më të angazhuar në trevat shqiptare.
Gjatë vitit 2017, ai solli shumë projekte të reja, ndër to edhe albumin “Winter is here”, i cili u mirëprit si më së miri nga fansat e reperit.
Këngët e tij numërojnë shifra të mëdha klikimesh në YouTube, çka edhe ka bërë që kanali i reperit të jetë ndër më të klikuarit në Kosovë gjatë vitit 2017.
Sipas statistikave të SocialBakers, kanali i parë dhe më i klikuar i vitit është ai i reperit Capital T, i cili numëron 199.060.000 klikime, dhe afro 240.000 abonues.
Ai madje është i vetmi këngëtar që renditet në top 10 e kanaleve më të klikuara, pasuar më pas nga disa kanale tjera të mediave të njohura në vend.
Kanali zyrtar i reperit në YouTube menaxhohet nga “Onima”, ndërsa ai vet vazhdon të jetë mjaft i ndjekur edhe në rrjete tjera sociale.
Në Facebook, Capital T ka afro 430 mijë fansa, ndërsa në Instagram numëron rreth 505 mijë ndjekës. /Telegrafi/
