“Kam dëgjuar se po shkoni te Chelsea” – Dembele i kthen përgjigje interesante tifozit të Barcelonës

Ousmane Dembele duket se nuk e preferon largimin nga Barcelona, derisa zërat janë shtuar se ai mund të përfundojë aventurën e tij në “Camp Nou”.

Sulmuesi francez po lidhet me një kalim te Chelsea, mirëpo në një përgjigje për një tifoz, ai ka bërë të ditur se ndihet mirë te klubi katalunas.

Dembele vazhdon t’i qëndrojë besnikë deklaratës së tij që ndihet mirë te Barça. Mesa duket ai është i gatshëm ta komentojë edhe në vendet më të papritura.

Lexo po ashtu Chelsea, favorite për transferimin e Dembeles

Një fans ka postuar në rrjetet sociale bisedën e shkurtër që ka bërë me Dembele teksa priste në semafor në makinën e tij, me tifozin që e ka pyeti nëse do të qëndronte te Barcelona. “Po,” është përgjigjur Dembele.

I pyetur për mundësinë e Chelseat, sulmuesi vuri në dukje se ato ishin “thjesht thashetheme” dhe arriti në përfundimin se ai ndihej “mirë në Barcelonë”.

Duket se The Blues nuk janë as afër transferimit të tij, ndërsa ka raportimet se edhe Paris Saint-Germain është i interesuara për shërbimet e tij. /Telegrafi/