Kai Havertz lë grumbullimin me Gjermaninë për të kompletuar transferimin te Chelsea

Ylli gjerman, Kai Haverzt pritet shumë shpejtë ta kompletojë transferimin e tij te Chelsea nga Bayer Leverkusen.

Chelsea është njëri nga klubet më aktive në afatin kalimtar të verës, pasi deri më tani ka kryer shtatë transferimi.

Timo Werner, Hakim Ziyech Ben Chilëell, Thiago Silva dhe Malang Sarr ishin ndër transferimet kryesore të Bluve.

Lexo po ashtu ‘Mbretërit’ e afatit kalimtar veror – Chelsea me skuadrën e krijuar mund të synojnë të fitojë gjithçka sezonin e ardhshëm

Megjithatë, ekipi nga Stamford Bridge është gati të kompletojë goditjen më të madhe në këtë afat kalimtar.

Chelsea thuhet së është afër të kompletojë transferimin e sulmuesit të talentuar gjerman, Kai Havertz nga Leverkuseni.

Sipas mediumi Goal.com, Havertz ka lënë grumbullimin me kombëtaren e Gjermanisë për të kompletuar transferimin te Chelsea.

Lajmi është konfirmuar edhe nga vet klubi gjerman me anë të një postimi në rrjetet sociale.

Transferimi i Havertz thuhet se do t’i kushtojë Bluve rreth 80 milionë euro, ndërsa do të nënshkruajë kontratë pesëvjeçare. /Telegrafi/