Juventusi dhe Milani pritet të luajnë gjysmëfinalen e Kupës së Italisë me dyer të mbyllura, derisa e njëjta gjë mund të thuhet edhe për ndeshjen e dytë ndaj Lyonit në Ligën e Kampionëve.
Zonja e Vjetër në të dyja ndeshjet është nikoqire, andaj pritet që zyrtarisht që këto takime të zhvillohen pa tifozë.
Këto dy takime nuk mund të luhen me praninë e virusit, shkaku i coronavirusit që ka shpërthyer në vendet si, Lombardi, Emilia-Romagna dhe Veneto.
Shumica e ndeshjeve në Serie A ose janë luajtur me dyer të mbyllura ose janë anuluar tërësisht, në mënyrë që mos të rrezikohet jeta e tifozëve.
Sonte do të mbahet një takim në Piedmont që të vendoset nëse ndeshja mes Juventusit dhe Milanit në Kupën e Italisë do të luhet me dyer të mbyllura apo me tifozë.
Në anën tjetër, ndeshja me Lyonin në Ligën e Kampionëve do të zhvillohet më 17 mars, por që deri më tani janë konfirmuar dy mijë raste me coronavirus, ndërsa 52 persona të tjerë kanë ndërruar jetë.
Për takimin e dytë në garën më të madhe për klube në Evropë pritet të merret vendimi zyrtar më vonë. /Telegrafi/